काय झाडी, काय डोंगार, काय हाटेल ...

काय झाडी, काय डोंगार, काय हाटेल ...

बंड केल्यानं मंत्रिपद भेटेल,

ही भाबडी आशा, मग होईल निराशा..

काय भाषा,यांची भंगार आशा,

काय सुरत, काय गुवाहटी.. 

स्वार्थासाठी यांची गोड-गोड मिठी,

सखे झाले वैरी अन् वैरी झाले पक्के..  

अहो, तुमचं आमचं कस हाय मग,

सगळं वक्के -वक्के.. 

✍🏻 - राजदीप कठाळे 

नाठाळाचे माथी हाणू काठी...

तो काळ होता जेव्हा स्त्रियांना शिक्षणाचा अधिकार नव्हता त्यामुळे त्या शिक्षणापासून वंचित राहत असत अशातच पुरोगामी विचारांचे असणारे ज्योतिराव फुले यांनी आपल्या पत्नी म्हणजेच सावित्रीबाई फुले यांना घरातच शिक्षणाचे धडे देण्यास सुरूवात केली आणि यातूनच १ जानेवारी १८४८ रोजी मुलींची पहिली शाळा पुणे येथील भिडे वाड्यात सुरु झाली पुढील काही महिन्यातच दलित वसाहतीत त्यांनी शाळा सुरु केली.पुढे हीच क्रांतीची मशाल गावोगावी पोहचली.आणि तेंव्हाच काही उच्च वर्णीयांनी धर्म बुडाला.... जग बुडणार .... कली आला असे विखारी विष पेरायला सुरूवात केली यावर हे बांडगुळ थांबले नाहीत त्यांनी अंगावर शेण फेकले, कचरा घाण टाकत काही उन्मत्तानी अंगावर हात टाकण्याची भाषा केली तरीही सावित्री बाई त्यांच्या ध्येयापासून लांब गेल्या नाहीत.

तेंव्हा जर सावित्रीबाई मागे हटल्या असत्या तर काय झाले असते. तर आज शैक्षणिक,सामजिक,राजकीय, प्रशासकीय,आर्थिक,कला,क्रिडा अशा असंख्य ठिकाणी फक्त अन् फक्त पुरुषच असते पण तसे झाले नाही आज राष्ट्रीय पातळी पासून गाव पातळी पर्यंत महिला काम करतायत यास कारण सावित्रीबाईंचा त्याग आणि धैर्य आहे हे विसरता कामा नये..

आज आपण २१ व्या शतकात आहोत, देश विकसनशील होत आहे मागील महिन्यात आपल्याकडे 5 जी नेटवर्क सुरु झालं, अनेक प्रकारचे रेकॉर्डस रचले जातायत तसेच दोन दिवसांपूर्वी झालेला वटपौर्णिमेचा सण ही झाला अशातच एक पुरोगामी विचार मांडला गेला आणि मांडणारी होती एक महिला.. त्या म्हणजे राज्य महिला आयोगाच्या अध्यक्ष रूपालीताई चाकणकर, एका जबाबदार पदावरून बोलत असताना त्या म्हणाल्या 'सत्यवानाची सावित्री समजली,पण ज्योतिबाची सावित्री अजून समजली नाही' हा विचार त्यांनी मांडला आणि बुरसटलेल्या विचारांनी परत एकदा डोकं वर काढलं. तर थोडस महात्मा ज्योतीबा आणि सावित्रीबाई फुले यांच्या काळात जाऊयात जर तेंव्हा हाच विचार त्यांनी आक्रमकपणे मांडला असता तर आज वटपौर्णिमा झाली असती पण वेगळ्या पद्धतीत... मग सावित्रीबाईंना त्रास देणारे विचार आजही आहेत की, फक्त ते आता डिजिटल झाले आहेत.कदाचित हे तंत्रज्ञान शिक्षणामुळेच आले आणि ते पेरायच काम केलं महात्मा फुले यांनी.. शेण, कचरा,घाण याची जागा आता कॉमेंट्सने घेतली ही मोठी शोकांतिका आहे, तेंव्हाही हेचं साध्य करायचं होत धर्म बुडाला.... जग बुडणार....कली आला आता कॉमेंट्समुळे,बुरसटलेल्या विचारांमुळे हे सर्व होणार... होय होणार... 

लक्षात ठेवा .. त्या सावित्रीने शिक्षणासाठी भोगलं पण या सावित्रीच्या लेकी जर पेटून उठल्या तर संहार होईल.

शेवटी एवढंच की,माननीय रुपालीताई यांनी मांडलेला विचार हा प्रत्येक महिला भगिनींच्या उत्कर्षास समर्पित आहे.

                                           - आपलाच 

                                        राजदीप राजेंद्र कठाळे